Categories Nazam

NO NRC/CAB NAZAM BY MAULANA ABDUL BAR SNANBILI MADNIنا

ہم نقش وفا دل سے مٹانے نہیں دیں گے
صدیوں کی وراثت کو گنوانے نہیں دیں گے

بھارت مِرا دنیا میں ہے جنت کا نمونہ
اس دیش کو ہم نرک بنانے نہیں دیں گے

اشفاق نے بسمل نے جو بلیدان دیا تھا
ضائع کسی قیمت پہ بھی جانے نہیں دیں گے

آزاد کے سپنوں کو بھی ساکار کریں گے
گاندھی کے اصولوں کو بھلانے نہیں دیں گے

یہ کیب (CAB) مبارک ہو تمہیں گدی نشینو !
اس CAB کو ہم ملک میں آنے نہیں دیں گے

منظور نہیں ہم کو یہ تفریق تمھاری
مذہب کو ہم آدھار بنانے نہیں دیں گے

ہم ایک تھے، ہم ایک ہیں، ہم ایک رہیں گے
نفرت کی یہ دیوار اٹھانے نہیں دیں گے

یہ دیش سمجھتا ہے ہر اک چال تمھاری
اب جال نیا کوئی بچھانے نہیں دیں گے

جب آہ نکلتی ہے تو ہل جاتے ہیں ایوان
ہم ظلم تمھیں ملک میں ڈھانے نہیں دیں گے